apne sare raste andar ki jaanib moD kar
manzilon ka ek nishan bahar banana chahiye

Bushra Ejaz

---

---

jab rakh se uTThega kabhi ishq ka shoala
phir paegi ye KHak shifa aur tarah ki

Bushra Ejaz

---

---

mere nukta-dan tera fahm apni misal hai
main hun ek sada sawal koi jawab de

Bushra Ejaz

---

---

meri apni aur us ki aarzu mein farq ye tha
mujhe bas wo use sara zamana chahiye tha

Bushra Ejaz

---

---

shab bhi hai wahi hum bhi wahi tum bhi wahi ho
hai ab ke magar apni saza aur tarah ki

Bushra Ejaz

---

---