ab ke basant aai to aankhen ujaD gain
sarson ke khet mein koi patta hara na tha

Bimal Krishn Ashk

---

---

ab yahi dukh hai hamin mein thi kami us mein na thi
us ko chaha tha magar apni tarah chaha na tha

Bimal Krishn Ashk

---

---

aisa hua ki ghar se na nikla tamam din
jaise ki KHud se aaj koi kaam tha mujhe

Bimal Krishn Ashk

---

---

adan Dhanpe hue phirta hun yani
hawas ke nam par dhaga nahin hai

Bimal Krishn Ashk

---

---

adan ke loch tak aazad hai wo
use tahzib ne bandha nahin hai

Bimal Krishn Ashk

---

---

daera khinch ke baiTha hun baDi muddat se
KHud se niklun to kisi aur ka rasta dekhun

Bimal Krishn Ashk

---

---

dekhne nikla hun duniya ko magar kya dekhun
jis taraf aankh uThaun wahi chehra dekhun

Bimal Krishn Ashk

---

---

ek duniya ne tujhe dekha hai lekin main ne
jaise dekha hai tujhe waise na dekha hota

Bimal Krishn Ashk

---

---

jism mein KHwahish na thi ehsas mein kanTa na tha
is tarah jaga ki jaise raat-bhar soya na tha

Bimal Krishn Ashk

---

---