ajib Dhang se taqsim-e-kar ki us ne
so jis ko dil na diya us ko dilrubai di

Bilal Ahmad

---

---

ajib qaid thi jis mein bahut KHushi thi mujhe
ab ashk thamte nahin hain ye kya riha hua main

Bilal Ahmad

---

---

ek haalat thi meri aur ek haalat dil ki thi
meri haalat to wahi hai dil ki wo haalat gai

Bilal Ahmad

---

---

ek kanTe ki khaTak se dil mera aabaad tha
wo gaya to dil se mere dard ki rahat gai

Bilal Ahmad

---

---

hamari KHak tabarruk samajh ke le jao
hamari jaan mohabbat ki lau mein jalti thi

Bilal Ahmad

---

---

is raha hai muddat se koi pahla gham mujh mein
rasta banata hai aansuon ka nam mujh mein

Bilal Ahmad

---

---

suna hai main ne aziyyat maza bhi deti hai
suna hai dil ki KHalish mein sakun bhi hota hai

Bilal Ahmad

---

---

ulajh raha tha abhi KHwab ki fasil se main
ki na-rasai ne ek shab mujhe rasai di

Bilal Ahmad

---

---