aata hai jo tufan aane de kashti ka KHuda KHud hafiz hai
mumkin hai ki uThti lahron mein bahta hua sahil aa jae
this vessel is by God sustained let the mighty storms appear,
Behzad Lakhnavi
ai dil ki KHalish chal yunhi sahi chalta to hun un ki mahfil mein
us waqt mujhe chaunka dena jab rang pe mahfil aa jae
O heartache, come,I do agree, to go and join her company
there rouse me from my reverie, when it befits the atmosphere
Behzad Lakhnavi
ai jazba-e-dil gar main chahun har chiz muqabil aa jae
manzil ke liye do gam chalun aur samne manzil aa jae
Mine heart's resolve if I so wish, all will be so nigh and clear
I take two steps toward my goal, and straight ahead it would appea
Behzad Lakhnavi
hum bhi KHud ko tabah kar lete
tum idhar bhi nigah kar lete
Behzad Lakhnavi
ishq ka ejaz sajdon mein nihan rakhta hun main
naqsh-e-pa hoti hai peshani jahan rakhta hun main
Behzad Lakhnavi
main DhunDh raha hun meri wo shama kahan hai
jo bazm ki har chiz ko parwana bana de
Behzad Lakhnavi
mujhe to hosh na tha un ki bazm mein lekin
KHamoshiyon ne meri un se kuchh kalam kiya
Behzad Lakhnavi
zinda hun is tarah ki gham-e-zindagi nahin
jalta hua diya hun magar raushni nahin
Behzad Lakhnavi