aagahi ne diye ibham ke dhoke kya kya
sharh-e-alfaz jo likkhi to ishaare likkhe

Azra Waheed

---

---

aadalon ki aas us ke sath hi ruKHsat hui
shahr ko wo aag ki be-rahmiyan bhi de gaya

Azra Waheed

---

---

dilon mein talKHiyan phir bhi nazar mein muskurahaT ho
bala ke habs mein bhi ho hawa aisa bhi hota hai

Azra Waheed

---

---

lahu rulate hain aur phir bhi yaad aate hain
mohabbaton ke purane nisab se kuchh hain

Azra Waheed

---

---

main kaun hun ki hai sab kanch ka wajud mera
mera libas bhi maila dikhai deta hai

Azra Waheed

---

---

numu ke rab kabhi us munsifi ki dad to de
shajar koi na lagaya samar sameTa hai

Azra Waheed

---

---

tujh ko paen tujhe kho baiThen phir
zindagi ek thi Dar kitne the

Azra Waheed

---

---

us raat ke mathe par ubhrenge sitare bhi
ye KHauf andheron ka shadab nahin rahna

Azra Waheed

---

---