aansuon se likh rahe hain bebasi ki dastan
lag raha hai dard ki taswir ban jaenge hum

Azm Shakri

---

---

aaj ki raat diwali hai diye raushan hain
aaj ki raat ye lagta hai main so sakta hun

Azm Shakri

---

---

agar sae se jal jaane ka itna KHauf tha to phir
sahar hote hi suraj ki nigahbani mein aa jate

Azm Shakri

---

---

ajib haalat hai jism-o-jaan ki hazar pahlu badal raha hun
wo mere andar utar gaya hai main KHud se bahar nikal raha hun

Azm Shakri

---

---

main ne ek shahr hamesha ke liye chhoD diya
lekin us shahr ko aaankhon mein basa laya hun

Azm Shakri

---

---

mere jism se waqt ne kapDe noch liye
manzar manzar KHud meri poshak hua

Azm Shakri

---

---

sare dukh so jaenge lekin ek aisa gham bhi hai
jo mere bistar pe sadiyon ka safar rakh jaega

Azm Shakri

---

---

shab ki aaghosh mein mahtab utara us ne
meri aaankhon mein koi KHwab utara us ne

Azm Shakri

---

---

ye jo diwar andheron ne uTha rakkhi hai
mera maqsad isi diwar mein dar karna hai

Azm Shakri

---

---