aamadgi ko wasl se mashrut mat samajh
ye dekh is sawal pe sanjida kaun hai

Azm Bahzad

---

---

ai KHwab-e-pazirai tu kyun meri aankhon mein
andesha-e-duniya ki tabir uTha laya

Azm Bahzad

---

---

ajab mahfil hai sab ek dusre par hans rahe hain
ajab tanhai hai KHalwat ki KHalwat ro rahi hai

Azm Bahzad

---

---

dariya par utarne wale ye bhi jaan nahin pae
kise kinare par le Duba par utar jaane ka gham

Azm Bahzad

---

---

kal samne manzil thi pichhe meri aawazen
chalta to bichhaD jata rukta to safar jata

Azm Bahzad

---

---

kitne mausam sargardan the mujh se hath milane mein
main ne shayad der laga di KHud se bahar aane mein

Azm Bahzad

---

---

koi aasan rifaqat nahin likkhi main ne
qurb ko jab bhi likha jazb-e-raqabat likhkha

Azm Bahzad

---

---

aushni DhunD ke lana koi mushkil to na tha
lekin is dauD mein har shaKHs ko jalte dekha

Azm Bahzad

---

---

sawal karne ke hausle se jawab dene ke faisle tak
jo waqfa-e-sabr aa gaya tha usi ki lazzat mein aa basa hun

Azm Bahzad

---

---