ab kaun si mata-e-safar dil ke pas hai
ek raushani-e-subh thi wo bhi udas hai

Aziz Tamannai

---

---

ai mauj-e-KHush-KHiram zara tez tez chal
banti hai sath-e-ab kinara kabhi kabhi

Aziz Tamannai

---

---

aqi abhi qafas mein hai ahl-e-qafas ki yaad
bikhre paDe hain baal kahin aur par kahin

Aziz Tamannai

---

---

dahr mein ek tere siwa kya hai
tu nahin hai to phir bhala kya hai

Aziz Tamannai

---

---

ek sannaTa tha aawaz na thi aur na jawab
dil mein itne the sawalat ki hum so na sake

Aziz Tamannai

---

---

hum ne jo 'tamannai' bayaban-e-talab mein
ek umr guzari hai to do-chaar baras au

Aziz Tamannai

---

---

hamin ne zist ke har rup ko sanwara hai
luTa ke raushani-e-taba jalwa-gahon mein

Aziz Tamannai

---

---

hazar bar aazma chuka hai magar abhi aazma raha hai
abhi zamane ko aadmi ka nahin hai kuchh e'tibar shayad

Aziz Tamannai

---

---

jis ko chalna hai chale raKHt-e-safar bandhe hue
hum jahan-gasht hain uTThe hain kamar bandhe hue

Aziz Tamannai

---

---