chand tare ek diya aur raat ka komal badan
subh-dam bikhre paDe the chaar su meri tarah

Aziz Nabeel

---

---

chupke chupke wo paDh raha hai mujhe
dhire dhire badal raha hun main

Aziz Nabeel

---

---

guzar raha hun kisi KHwab ke ilaqe se
zamin sameTe hue aasman uThae hue

Aziz Nabeel

---

---

hum qafile se bichhDe hue hain magar 'nabil'
ek rasta alag se nikale hue to hain

Aziz Nabeel

---

---

kisi se zehn jo milta to guftugu karte
hujum-e-shahr mein tanha the ham, bhaTak rahe the

Aziz Nabeel

---

---

main chhup raha hun ki jaane kis dam
utar Dale libas mujh ko

Aziz Nabeel

---

---

main kisi aankh se chhalka hua aansu hun 'nabil'
meri taid hi kya meri baghawat kaisi

Aziz Nabeel

---

---

musafiron se kaho apni pyas bandh rakhen
safar ki ruh mein sahra koi utar chuka hai

Aziz Nabeel

---

---

na jaane kaisi mahrumi pas-e-raftar chalti hai
hamesha mere aage aage ek diwar chalti hai

Aziz Nabeel

---

---