a-waqt-e-sham samundar mein gir gaya suraj
tamam din ki thakan se niDhaal aisa tha

Azhar Naiyyar

---

---

chaha hai jis ka saya shajar wo babul hai
qismat mein mere aaj bhi saDkon ki dhul hai

Azhar Naiyyar

---

---

dil KHak hua pyar ki is aag mein jal kar
aur jhank ke us ne kabhi andar nahin dekha

Azhar Naiyyar

---

---

thi us ki band muTThi mein chiTThi dabi hui
jo shaKHs tha train ke niche kaTa hua

Azhar Naiyyar

---

---

tum bahr-e-mohabbat ke kinare pe khaDe the
tum ne meri aankhon mein samundar nahin dekha

Azhar Naiyyar

---

---