aansuon ki tarah wajud mera
bahta jata hai aabshaar ke sath

Azhar Abbas

---

---

akela main hi nahin ja raha hun basti se
ye raushni bhi mere sath jaane wali hai

Azhar Abbas

---

---

apne virane ka nuqsan nahin chahta main
yani ab dusra insan nahin chahta main

Azhar Abbas

---

---

hansi mazaq ki baaten yahin pe KHatm huin
ab is ke baad kahani rulane wali hai

Azhar Abbas

---

---

hath patthar se ho gae manus
shauq kuza-gari ka kya kije

Azhar Abbas

---

---

jo rukawaT thi hamari rah ki
rasta nikla usi diwar se

Azhar Abbas

---

---

mujhe bayan kar raha tha koi shaKHs
main apni dastan DhunDhta raha

Azhar Abbas

---

---

suna raha hai kahani hamein makinon ki
makan ke sath ye aadha jala hua bista

Azhar Abbas

---

---

tu kahani ke badalte hue manzar ko samajh
KHun rote hue kirdar ki jaanib mat dekh

Azhar Abbas

---

---