anana paDta hai apne badan ko chhat apni
aur apne sae ko diwar karna paDta hai

Athar Nasik

---

---

kitne mani rakhta hai zara ghaur to kar
kuza-gar ke hath mein hona miTTi ka

Athar Nasik

---

---

main puchh leta hun yaron se rat-jagon ka sabab
magar wo mujh se mere KHwab puchh lete hain

Athar Nasik

---

---

main use subh na jaanun jo tere sang nahin
main use sham na manun ki jo tere bin hai

Athar Nasik

---

---

na-jaane kaun si majburiyan hain jin ke liye
KHud apni zat se inkar karna paDta hai

Athar Nasik

---

---

suraj lihaf oDh ke soya tamam raat
sardi se ek parinda dariche mein mar gaya

Athar Nasik

---

---

yahin kahin pe adu ne paDaw Dala tha
yahin kahin pe mohabbat ne haar mani thi

Athar Nasik

---

---

yaqin barson ka imkan kuchh dinon ka hun
main tere shahr mein mehman kuchh dinon ka hun

Athar Nasik

---

---