aae hain log raat ki dahliz phand kar
un ke liye nawed-e-sahar honi chahiye

Ata ul Haq Qasmi

---

---

dilon se KHauf nikalta nahin azabon ka
zamin ne oDh liye sar par aasman phir se

Ata ul Haq Qasmi

---

---

gum hua jata hai koi manzilon ki gard mein
zindagi bhar ki masafat raegan hone ko hai

Ata ul Haq Qasmi

---

---

jis ki KHatir main bhula baiTha tha apne aap ko
ab usi ke bhul jaane ka hunar bhi dekhna

Ata ul Haq Qasmi

---

---

lagta nahin ki us se marasim bahaal hon
main kya karun ki thoDa sa pagal to main bhi hun

Ata ul Haq Qasmi

---

---

use ab bhul jaane ka irada kar liya hai
bharosa ghaaliban KHud par ziyaada kar liya hai

Ata ul Haq Qasmi

---

---

wo ek shaKHs ki manzil bhi rasta bhi hai
wahi dua bhi wahi hasil-e-dua bhi hai

Ata ul Haq Qasmi

---

---

ye kis azab mein us ne phansa diya mujh ko
ki us ka dhyan koi kaam karne deta nahin

Ata ul Haq Qasmi

---

---