aaj bhi 'prem' ke aur 'krishn' ke afsane hain
aaj bhi waqt ki jamhuri zaban hai urdu

Ata Abidi

---

---

adab hi zindagi mein jab na aaya
adab mein itni mehnat kis liye hai

Ata Abidi

---

---

KHwab hi KHwab ki tabir hua to jaana
zindagi kyun kisi aankhon ke asar mein aai

Ata Abidi

---

---

kisi ke jism-o-jaan chhalni kisi ke baal-o-par TuTe
jali shaKHon pe yun laTke kabutar dekh aaya hun

Ata Abidi

---

---

koi bhi KHush nahin hai is KHabar se
ki duniya jald lauTegi safar se

Ata Abidi

---

---

sab KHwab purane hain har chand fasane hain
hum roz basate hain aankhon mein nai duniya

Ata Abidi

---

---

sabr ki had bhi to kuchh hoti hai
kitna palkon pe sambhaalun pani

Ata Abidi

---

---

zarurat Dhal gai rishte mein warna
yahan koi kisi ka apna kab hai

Ata Abidi

---

---