hum bhi 'aslam' isi guman mein hain
hum ne bhi koi zindagi ji thi

Aslam Emadi

---

---

hawaen shahr ki aaluda-e-kasafat hain
ye saf-suthra-pan aur ye nafasaten jhuTi

Aslam Emadi

---

---

hazar raste badle hazar swang rache
magar hai raqs mein sar par ek aasman wahi

Aslam Emadi

---

---

nami utar gai dharti mein tah-ba-tah 'aslam'
bahaar-e-ashk nai rut ki ibtida mein hai

Aslam Emadi

---

---

tum mere kamre ke andar jhankne aae ho kyun
so raha hun chain se hun Thik hai sab Thik hai

Aslam Emadi

---

---

tumhaare dard se jage to un ki qadr khuli
wagarna pahle bhi apne the jism-o-jaan wahi

Aslam Emadi

---

---

unhen ye fikr ki dil ko kahan chhupa rakkhen
hamein ye shauq ki dil ka KHasara kyunkar ho

Aslam Emadi

---

---