dil ki maujon ki taDap meri sada mein aae
daere karb ke phaile to hawa mein aae

Asif Saqib

---

---

kis darja munafiq hain sab ahl-e-hawas 'saqib'
andar se to patthar hain aur lagte hain pani se

Asif Saqib

---

---

lakir khinch ke mujh pe wo phir mujhe dekhe
nigar-o-naqsh mein chehra hai hu-ba-hu mera

Asif Saqib

---

---

qaidi riha hue the pahan kar nae libas
hum to qafas se oDh ke zanjir chal paDe

Asif Saqib

---

---

aste ki anjaan KHushi hai
manzil ka an-jaana Dar hai

Asif Saqib

---

---

sameT le gae sab rahmaten kahan mehman
makan kaTta phirta hai mezbanon ko

Asif Saqib

---

---

sine ke bich 'saqib' aisa hai marna jina
ek yaad ji uThi thi ek yaad mar gai hai

Asif Saqib

---

---