ai shaiKH agar kufr se islam juda hai
pas chahiye tasbih mein zunnar na hota

Ashraf Ali Fughan

---

---

dil-bastagi qafas se yahan tak hui mujhe
goya kabhi chaman mein mera aashiyan na tha

Ashraf Ali Fughan

---

---

jugnu miyan ki dum jo chamakti hai raat ko
sab dekh dekh us ko bajate hain taliyan

Ashraf Ali Fughan

---

---

kab dard se dil ko tab aaya
aankhon mein kahan se KHwab aaya

Ashraf Ali Fughan

---

---

meri taraf se KHatir-e-sayyaad jama hai
kya uD sakega tair-e-be-baal-o-par kahin

Ashraf Ali Fughan

---

---

mujh se jo puchhte ho to har haal shukr hai
yun bhi guzar gai meri wun bhi guzar gai

Ashraf Ali Fughan

---

---