aao to mere sahn mein ho jae raushni
muddat guzar gai hai charaghan kiye hue

Ashhad Bilal Ibn-e-chaman

---

---

aaj bhi naqsh hain dil par teri aahaT ke nishan
hum ne us rah se auron ko guzarne na diya

Ashhad Bilal Ibn-e-chaman

---

---

hosh-o-hawas khone laga hun firaq mein
tanhaiyon ne aisa muqaffal kiya mujhe

Ashhad Bilal Ibn-e-chaman

---

---

ek lafz yaad tha mujhe tark-e-wafa magar
bhula hua hun Thokaren khane ke baad bhi

Ashhad Bilal Ibn-e-chaman

---

---

sawera le ke aata hai mere KHwabon ki tabiren
magar jab sham hoti hai to un ki yaad aati hai

Ashhad Bilal Ibn-e-chaman

---

---

tamam din ki mashaqqat-bhari takan ke baad
tamam raat mohabbat se phir jagaun use

Ashhad Bilal Ibn-e-chaman

---

---

yaad rakhna bhi ek ibaadat hai
kyun na hum un ka hafiza ho jaen

Ashhad Bilal Ibn-e-chaman

---

---

zindagi ki haqiqat ajab ho gai
aaj kal ho rahi hai basar KHwab mein

Ashhad Bilal Ibn-e-chaman

---

---