'ashhar' kahin qarib hi tarik ghaar hai
jugnu ki raushni ko wahin chal ke chhoD den

Ashar Hashmi

---

---

meri duniya mein samundar ka kahin nam nahin
phir ghaTa phenkti hai mujh pe ye patthar kaise

Ashar Hashmi

---

---

ahguzar bhi teri pahle thi ajnabi
har gali ab teri rahguzar ho gai

Ashar Hashmi

---

---

tera ghurur jhuk ke jab mila mere wajud se
na jaane meri kamtari ka chehra kyun utar gaya

Ashar Hashmi

---

---

us se milne ki talab mein ji liye kuchh aur din
wo bhi KHud bite dinon se bar-sar-e-paikar thi

Ashar Hashmi

---

---

wahin ke pattharon se puchh mera haal-e-zindagi
main reza reza ho ke jis dayar mein bikhar gaya

Ashar Hashmi

---

---

zindagi karna wo mushkil fan hai 'ashhar' hashmi
jaise ki chalna paDe bijli ke nange tar pa

Ashar Hashmi

---

---