ajab kashish hai tere hone ya na hone mein
guman ne mujh ko haqiqat se bandh rakkha hai

Arshad Lateef

---

---

jab main us aadmi se dur hua
gham meri zindagi se dur hua

Arshad Lateef

---

---

KHala ka masala hi muKHtalif hai
samundar is qadar gahra nahin hai

Arshad Lateef

---

---

kis ke sawal par ye dil rota hai sari sari raat
kaun habib hai mera tere KHayal ke siwa

Arshad Lateef

---

---

koi to moajaza aisa bhi ho apni mohabbat mein
tere inkar se iqrar ki surat nikal aae

Arshad Lateef

---

---

phailti ja rahi hai ye duniya
jashn-e-awargi manane mein

Arshad Lateef

---

---

sabhi tabir us ki likh rahe hain
kisi ne bhi use dekha nahin hai

Arshad Lateef

---

---