chand mere ghar mein utra tha kahin Duba na tha
ai mere suraj abhi aana tera achchha na tha

Arif Abdul Mateen

---

---

hamin ne raston ki KHak chhani
hamin aae hain tere pas chal ke

Arif Abdul Mateen

---

---

kabhi KHayal ke rishton ko bhi TaTol ke dekh
main tujh se dur sahi tujh se kuchh juda bhi nahin

Arif Abdul Mateen

---

---

tha e'timad-e-husn se tu is qadar tahi
aaina dekhne ka tujhe hausla na tha

Arif Abdul Mateen

---

---

tira-o-tar KHalaon mein bhaTakta raha zehan
raat sahra-e-ana se main hirasan guzra

Arif Abdul Mateen

---

---

titliyan rangon ka mahshar hain kabhi socha na tha
un ko chhune par khula wo raaz jo khulta na tha!

Arif Abdul Mateen

---

---

wafa nigah ki talib hai imtihan ki nahin
wo meri ruh mein jhanke na aazmae mujhe

Arif Abdul Mateen

---

---

zat ka aaina jab dekha to hairani hui
main na tha goya koi mujh sa tha mere ru-ba-ru

Arif Abdul Mateen

---

---