ikhar ke TuT gae hum bikharti duniya mein
KHud-afrini ka sauda hamare sar mein tha

Anwar Siddiqui

---

---

Duboe deta hai KHud-agahi ka bar mujhe
main Dhalta nashsha hun mauj-e-tarab ubhaar mujhe

Anwar Siddiqui

---

---

kitne subuk-dil hue tujh se bichhaDne ke baad
un se bhi milna paDa jin se mohabbat na thi

Anwar Siddiqui

---

---

sari shafaq sameT ke suraj chala gaya
ab kya raha hai mauj-e-shab-e-tar ke siwa

Anwar Siddiqui

---

---

ujalti nahin ab mujh ko koi tariki
sanwarta nahin ab koi hadsa mujh ko

Anwar Siddiqui

---

---