ahut aasan hai mushtarka dilon mein tafriq
baat to jab hai ki bichhDon ko milaya jae

Anwar Jamal Anwar

---

---

daman pe to har ek ke chhiTen hain KHun ki
ab kis se puchhiye ki gunahgar kaun hai

Anwar Jamal Anwar

---

---

hai taqaza-e-tahzib 'anwar'
mat kaho wo ki jo munh mein aae

Anwar Jamal Anwar

---

---

hum fitratan insan hain farishte to nahin hain
dawa ye karen kaise ki laghzish nahin karte

Anwar Jamal Anwar

---

---

hum se wafa-shiar ko bhi tere ru-ba-ru
khani paDi wafa ki qasam tere shahr mein

Anwar Jamal Anwar

---

---

husn aisa ki zamane mein nahin jis ki misal
aur jamal aisa ki DhunDa kare har KHwab-o-KHayal

Anwar Jamal Anwar

---

---

kaisa maqam aaya mohabbat ki rah mein
dil ro raha hai mera magar aankh tar nahin

Anwar Jamal Anwar

---

---

ose uTh jati hai ghar mein koi diwar nai
is tarah tang hua jata hai aangan apna

Anwar Jamal Anwar

---

---

sach ye hai hum hi mohabbat ka sabaq paDh na sake
warna an-paDh to na the hum ko paDhane wale

Anwar Jamal Anwar

---

---