ab nam nahin kaam ka qael hai zamana
ab nam kisi shaKHs ka rawan na milega

Anwar Jalalpuri

---

---

chaho to meri aankhon ko aaina bana lo
dekho tumhein aisa koi darpan na milega

Anwar Jalalpuri

---

---

koi puchhega jis din waqai ye zindagi kya hai
zamin se ek muTThi KHak le kar hum uDa denge

Anwar Jalalpuri

---

---

main ne likhkha hai use maryam o sita ki tarah
jism ko us ke ajanta nahin likhkha main ne

Anwar Jalalpuri

---

---

mera har sher haqiqat ki hai zinda taswir
apne ashaar mein qissa nahin likhkha main ne

Anwar Jalalpuri

---

---

musalsal dhup mein chalna charaghon ki tarah jalna
ye hangame to mujh ko waqt se pahle thaka denge

Anwar Jalalpuri

---

---

na jaane kyun adhuri hi mujhe taswir jachti hai
main kaghaz hath mein lekar faqat chehra banata hun

Anwar Jalalpuri

---

---

sabhi ke apne masail sabhi ki apni ana
pukarun kis ko jo de sath umr bhar mera

Anwar Jalalpuri

---

---