aankhon mein ghul na jaen kahin zulmaton ke rang
jis samt raushni hai udhar dekhte raho

Anvar Moazzam

---

---

aao dekhen ahl-e-wafa ki hoti hai tauqir kahan
kis mahfil ka nam hai maqtal khinchti hai shamshir kahan

Anvar Moazzam

---

---

dhuan uThta nazar aata hai har-su
abhi aabaad hai virana dil ka

Anvar Moazzam

---

---

dilon ki aag baDhao ki log kahte hain
charagh-e-husn se raushan jahan nahin hota

Anvar Moazzam

---

---

ek aawaz to gunji thi ufuq-ta-ba-ufuq
karwan gum hai kahan gard-e-safar se puchho

Anvar Moazzam

---

---

hamein baada-kash-e-dard-e-tamanna
hamin par band hai mai-KHana dil ka

Anvar Moazzam

---

---

hujum-e-subh ki tanhaiyon mein Dub gae
wo qafile jo andheron ki anjuman se chale

Anvar Moazzam

---

---

kaun roya pas-e-diwar-e-chaman aaKHir-e-shab
kyun saba lauT gai rahguzar se puchho

Anvar Moazzam

---

---

na mila par na mila ishq ko andaz-e-junun
hum ne majnun ki bhi aashufta-sari dekhi hai

Anvar Moazzam

---

---