aaj 'anjum' muskura kar us ne phir dekha mujhe
shikwa-e-jaur-o-jafa phir bhul jaana hi paDa

Anjum Manpuri

---

---

kaam 'anjum' ka jo tamam kiya ye aap ne waqai KHub kiya
kam-baKHt isi ke laeq tha ab aap abas pachhtate hain

Anjum Manpuri

---

---

na puchh us ki dil-afsurdagi ki kaifiyyat
jo gham-nasib KHushi mein bhi muskura na saka

Anjum Manpuri

---

---

watan ke log satate the jab watan mein the
watan ki yaad satati hai jab watan mein nahin

Anjum Manpuri

---

---

ye do-dili mein raha ghar na ghaT ka 'anjum'
buton ko kar na saka KHush KHuda ko pa na saka

Anjum Manpuri

---

---