aap ka koi safar be-samt be-manzil na ho
zindagi aisi na jina jis ka mustaqbil na ho

Anis Dehlavi

---

---

aap ki baaton mein aa kar kho diya dil ka sukun
zindagi mein dekhiye meri bacha kuchh bhi nahin

Anis Dehlavi

---

---

chhin lin KHushiyan meri aankhon se meri nind bhi
zindagi tu ne mujhe ab tak diya kuchh bhi nahin

Anis Dehlavi

---

---

jo dil bandhe wo jadu jaanta hai
mera mahbub urdu jaanta hai

Anis Dehlavi

---

---

kaisa ajib waqt hai koi bhi ham-safar nahin
dhup bhi mo'tabar nahin saya bhi mo'tabar nahin

Anis Dehlavi

---

---

karna hai aap ko jo nae raston ki khoj
sab jis taraf na jaen udhar jaana chahiye

Anis Dehlavi

---

---

nigah chahiye bas ahl-e-dil faqiron ki
bura bhi dekhun to mujh ko bhala nazar aae

Anis Dehlavi

---

---

pata is ka to hum rindon se puchho
KHuda ko kab ye sadhu jaanta hai

Anis Dehlavi

---

---

sahra se chale aa bhi gae dar-o-rasan tak
hona tha jinhen wo na hamare hue logo

Anis Dehlavi

---

---