aDa aazar-e-jaan hai wo agarche mehrban hai wo
agarche mehrban hai wo baDa aazar-e-jaan hai wo

Anees Ansari

---

---

ana kar rakh tu ghar achchha rahega
tu malik ban kirae-dar kyun hai

Anees Ansari

---

---

ek gham hota to sine se laga leta koi
gham ka ambar uThane pe na pahuncha aaKHi

Anees Ansari

---

---

har ek shaKHs tumhaari tarah nahin hota
koi kisi se mohabbat kahan kare kaise

Anees Ansari

---

---

hijr ke chhoTe ganw se hum ne shahr-e-wasl ko hijrat ki
shahr-e-wasl ne nind uDa kar KHwabon ko pamal kiya

Anees Ansari

---

---

hijr mein waise bhi aati hai musibat jaan par
par raqibon ki alag hai KHanda-kari hae hae

Anees Ansari

---

---

jo parinde uD nahin sakte ab un ki KHair ho
aane wala hai isi jaanib shikari hae hae

Anees Ansari

---

---

kabhi darwesh ke takiya mein bhi aa kar dekho
tang-dasti mein bhi aaram mayassar nikla

Anees Ansari

---

---

lash qatil ne khuli phenk di chaurahe par
dekhne wala koi ghar se na bahar nikla

Anees Ansari

---

---