do kinaron ko milaya tha faqat lahron ne
hum agar us ke na the wo bhi hamara kab tha

Ameeta Parsuram ‘Meeta’

---

---

hum ne hazar fasle ji kar tamam shab
ek muKHtasar si raat ko muddat bana diya

Ameeta Parsuram ‘Meeta’

---

---

kaun tha mere alawa us ka
us ne DhunDe the Thikane kya kya

Ameeta Parsuram ‘Meeta’

---

---

koi tadbir na taqdir se lena-dena
bas yunhi faisle jo hone hain ho jate hain

Ameeta Parsuram ‘Meeta’

---

---

kuchh to ehsas-e-mohabbat se huin nam aankhen
kuchh teri yaad ke baadal bhi bhigo jate hain

Ameeta Parsuram ‘Meeta’

---

---

na hon KHwahishen na gila koi na jafa koi
na sawal ahd-e-wafa ka ho wahi ishq hai

Ameeta Parsuram ‘Meeta’

---

---

subh-e-raushan ko andheron se bhari sham na de
dil ke rishte ko meri jaan koi nam na de

Ameeta Parsuram ‘Meeta’

---

---

tujhi se guftugu har dam teri hi justuju har dam
meri aasaniyan tujh se meri mushkil hai tu hi tu

Ameeta Parsuram ‘Meeta’

---

---

wahi charche wahi qisse mili ruswaiyan hum ko
unhi qisson se wo mashhur ho jae to kya kije

Ameeta Parsuram ‘Meeta’

---

---