sara parda hai dui ka jo ye parda uTh jae
gardan-e-shaiKH mein zunnar barhaman Dale

Ameer Minai

---

---

putliyan tak bhi to phir jati hain dekho dam-e-naza
waqt paDta hai to sab aankh chura jate hain

Ameer Minai

---

---

puchha na jaega jo watan se nikal gaya
be-kar hai jo dant dahan se nikal gaya

Ameer Minai

---

---

qarib hai yaro roz-e-mahshar chhupega kushton ka KHun kyunkar
jo chup rahegi zaban-e-KHanjar lahu pukarega aastin ka

Ameer Minai

---

---

aste aur tawazoa mein hai rabt-e-qalbi
jis tarah lam alif mein hai alif lam mein hai

Ameer Minai

---

---

aha KHwab mein un se shab bhar visal
mere baKHt jage main soya kiya

Ameer Minai

---

---

oz-o-shab yan ek si hai raushni
dil ke daghon ka charaghan aur hai

Ameer Minai

---

---

sada samjho na inhen rahne do diwan mein 'amir'
yahi ashaar zabanon pe hain rahne wale

Ameer Minai

---

---

sau sher ek jalse mein kahte the hum 'amir'
jab tak na sher kahne ka hum ko shuur tha

Ameer Minai

---

---