hijab-e-abr ruKH-e-mahtab se chhalka
wo apne chehre se parde ko jab haTane laga

Amber Waseem Allahabadi

---

---

mujhe yaqin hai mera sath de nahin sakta
jo mere hathon mein ab hath de nahin sakta

Amber Waseem Allahabadi

---

---

teri nigah bani aaina meri KHatir
main KHud ko dekh ke kal raat muskurane laga

Amber Waseem Allahabadi

---

---

tu muskuraati rahe hai ye aarzu meri
main teri ankhon ko barsat de nahin sakta

Amber Waseem Allahabadi

---

---

zamana guzra hawa phir se yaad aane laga
na jaane kaun mujhe KHwab phir dikhane laga

Amber Waseem Allahabadi

---

---