hamari zindagi kya hai mohabbat hi mohabbat hai
tumhaara bhi yahi dastur ban jae to achchha ho

Ali Zaheer Lakhnavi

---

---

kan sunte to hain lekin na samajhne ke liye
koi samjha bhi to mafhum naya mange hai

Ali Zaheer Lakhnavi

---

---

mera KHun-e-jigar pur-nur ban jae to achchha ho
tumhaari mang ka sindur ban jaane to achchha ho

Ali Zaheer Lakhnavi

---

---

nafrat se mohabbat ko sahaare bhi mile hain
tufan ke daman mein kinare bhi mile hain

Ali Zaheer Lakhnavi

---

---

aaz-e-gham-e-ulfat ko ye duniya na samajh le
aansu mere daman mein tumhaare bhi mile hain

Ali Zaheer Lakhnavi

---

---

wo to tha aadmi ki tarah 'zahir'
us ka chehra farishton jaisa tha

Ali Zaheer Lakhnavi

---

---

zara parda haTa do samne se bijliyan chamken
mera dil jalwa-gah-e-tur ban jae to achchha ho

Ali Zaheer Lakhnavi

---

---