ai shaer! tera dard baDa ai shaer! teri soch baDi
ai shaer! tere sine mein is jaisa lakh bahe dariya

Ali Akbar Abbas

---

---

apna aap nahin hai sab kuchh apne aap se niklo
badbuen phaila deta hai pani ka Thahrao

Ali Akbar Abbas

---

---

fareb-e-mah-o-anjum se nikal jaen to achchha hai
zara suraj ne karwaT li ye tare Dub jaenge

Ali Akbar Abbas

---

---

ek sada ki surat hum is hawa mein zinda hain
hum jo raushni hote hum pe bhi jhapaTti raat

Ali Akbar Abbas

---

---

kabhi sar pe chaDhe kabhi sar se guzre kabhi panw aan gire dariya
kabhi mujhe baha kar le jae kabhi mujh mein aan bahe dariya

Ali Akbar Abbas

---

---

main apne waqt mein apni rida mein rahta hun
aur apne KHwab ki aab-o-hawa mein rahta hun

Ali Akbar Abbas

---

---

main bhari saDkon pe bhi be-chap chalne lag gaya
ghar mein soe log mere zehn par yun chha gae

Ali Akbar Abbas

---

---

main khoe jata hun tanhaiyon ki wusat mein
dar-e-KHayal dar-e-la-makan hai ya kuchh au

Ali Akbar Abbas

---

---

usi peD ke niche dafn bhi hona hoga
jis ki jaD par main ne apna nam likha hai

Ali Akbar Abbas

---

---