andheri shab ka ye KHwab-manzar mujhe ujalon se bhar raha hai
ye raat itni tawil kar de ki ta-qayamat sahar na aae

Aleena Itrat

---

---

abhi to chaak pa jari hai raqs miTTi ka
abhi kumhaar ki niyyat badal bhi sakti hai

Aleena Itrat

---

---

abhi to chaak pe jari hai raqs miTTi ka
abhi kumhaar ki niyyat badal bhi sakti hai

Aleena Itrat

---

---

ajab si kashmakash tamam umr sath sath thi
rakha jo ruh ka bharam to jism mera mar gaya

Aleena Itrat

---

---

aad muddat mujhe nind aai baDe chain ki nind
KHak jab oDh li aur KHak bichha li main ne

Aleena Itrat

---

---

hum hawa se bacha rahe the jinhen
un charaghon se jal gae shayad

Aleena Itrat

---

---

jin ke mazbut irade bane pahchan un ki
manzilen aap hi ho jati hain aasan un ki

Aleena Itrat

---

---

kisi ke waste taswir-e-intizar the hum
wo aa gaya pa kahan KHatm intizar hua

Aleena Itrat

---

---

kuchh kaDe Takrao de jati hai aksar raushni
jun chamak uThti hai koi barq talwaron ke bech

Aleena Itrat

---

---