aarzu Tis karb tanhai
KHud mein kitna simaT gaya hun main

Akmal Imaam

---

---

'akmal' aaj ka insan kitna be-tahammul hai
dil mein kuchh KHalish ubhri aur dagh di sazish

Akmal Imaam

---

---

apne ehsas ki shiddat ko bujhane ke liye
main nai tarz ke KHush-fikr risale mangon

Akmal Imaam

---

---

fasad rokne kam-zarf log pahunche hain
gharon mein rah gae raushan zamir jitne the

Akmal Imaam

---

---

har ek harf se jine ka fan numayan ho
kuchh is tarah ki ibarat nisab mein likhiye

Akmal Imaam

---

---

mera saya bhi baDh gaya mujh se
is saliqe se ghaT gaya hun main

Akmal Imaam

---

---

nai tahqiq ne qatron se nikale dariya
hum ne dekha hai ki zarron se zamane nikle

Akmal Imaam

---

---

ungliyon ke hunar se ai 'akmal'
shakl pati hai chaak par miTTi

Akmal Imaam

---

---

zehn mein ajnabi samton ke hain paikar lekin
dil ke aaine mein sab aks purane nikle

Akmal Imaam

---

---