junun bhi zahmat KHirad bhi lanat hai zaKHm-e-dil ki dawa mohabbat
harim-e-jaan mein tawaf-e-paiham yahi hai andaz-e-ashiqana

Akhtar Orenvi

---

---

kitne taban the wo lamhat tere pahlu mein
do ghaDi meri bhi firdaus mina guzri hai

Akhtar Orenvi

---

---

main muntazir hun teri tamanna liye hue
aa ja farogh-e-husn ki duniya liye hue

Akhtar Orenvi

---

---

meri aarzu ki taskin na karam mein ne sitam mein
mera dil mudam tishna teri rah ke pech-o-KHam mein

Akhtar Orenvi

---

---

na mizaj-e-naz-e-jalwa kabhi pa sakin nigahen
ki ulajh ke rah gai hain teri zulf-e-KHam-ba-KHam mein

Akhtar Orenvi

---

---