dekho us ne qadam qadam par sath diya begane ka
'aKHtar' jis ne ahd kiya tha tum se sath nibhane ka

Akhtar lakhnvi

---

---

hamein KHuda pe bharosa hai na-KHuda pe nahin
KHuda jo deta hai wo na-KHuda nahin deta

Akhtar lakhnvi

---

---

hasad ka rang pasandida rang hai sab ka
yahan kisi ko koi ab dua nahin deta

Akhtar lakhnvi

---

---

ek tere hi kuche par mauquf nahin hai kuchh
har gam hain taziren hum log jahan bhi hain

Akhtar lakhnvi

---

---

isi hasrat mein kaTi rah-e-hayat
koi do-chaar qadam sath chale

Akhtar lakhnvi

---

---

jazbe ki kaDi dhup ho to kya nahin mumkin
ye kis ne kaha sang pighalta hi nahin hai

Akhtar lakhnvi

---

---

KHwabida apne chahne walon ko dekh kar
mumkin hai lauT jae sahar jagte raho

Akhtar lakhnvi

---

---

kitne mahbub gharon se gae kis ko malum
wapas aae hain jo apnon mein KHabar ki surat

Akhtar lakhnvi

---

---

mai-e-kohna na sahi KHun-e-tamanna hi sahi
ek paimana mere samne laya to gaya

Akhtar lakhnvi

---

---