aql walon mein hai guzar mera
meri diwangi sambhaal mujhe

Akhilesh Tiwari

---

---

e-sabab kuchh bhi nahin hota hai ya yun kahiye
aag lagti hai kahin par to dhuan hota hai

Akhilesh Tiwari

---

---

hansna rona pana khona marna jina pani par
paDhiye to kya kya likkha hai dariya ki peshani pa

Akhilesh Tiwari

---

---

har-dam badan ki qaid ka rona fuzul hai
mausam sadaen de to bikhar jaana chahiye

Akhilesh Tiwari

---

---

jise parchhain samjhe the haqiqat mein na paikar ho
parakhna chahiye tha aap ko us shai ko chhu kar bhi

Akhilesh Tiwari

---

---

KHayal aaya hamein bhi KHuda ki rahmat ka
sunai jab bhi paDi hai azan pinjre mein

Akhilesh Tiwari

---

---

koi to baat hai pichhle pahar mein raaton ke
ye band kamra ajab raushni se bhar jae

Akhilesh Tiwari

---

---

phislan ye kinaron pa ye Thahraw nadi ka
sab saf ishaare hain ki gahrai bahut hai

Akhilesh Tiwari

---

---

qadam baDha to lun aabaadiyon ki samt magar
mujhe wo DhunDhta tanhaiyon mein aaya to

Akhilesh Tiwari

---

---