ab main hun aur KHwab-e-pareshan hai mere sath
kitna paDega aur abhi jagna mujhe

Ahmad Ali Barqi Azmi

---

---

chappa chappa us ki gali ka raha hai mere zer-e-qadam
josh-e-junun se azm-e-safar tak ek kahani bich mein hai

Ahmad Ali Barqi Azmi

---

---

is haal mein kab tak yunhi ghuT ghuT ke jiyunga
ruTha hai wo aise ki mana bhi nahin sakta

Ahmad Ali Barqi Azmi

---

---

uThne aur manane ke ehsas mein hai ek kaif-o-surur
main ne hamesha use manaya wo bhi mujhe manae to

Ahmad Ali Barqi Azmi

---

---

samajh raha tha jise KHair-KHwah main apna
wahi hai dushman-e-jaan mera sab se baDh kar aaj

Ahmad Ali Barqi Azmi

---

---

zindagi us ne badal kar meri rakh di aisi
na mujhe chain na aaram hai kya arz karun

Ahmad Ali Barqi Azmi

---

---