ab to har ek adakar se Dar lagta hai
mujh ko dushman se nahin yar se Dar lagta hai

Afzal Allahabadi

---

---

ashk aankhon mein liye aaThon pahar dekhega kaun
hum nahin honge to teri rahguzar dekhega kaun

Afzal Allahabadi

---

---

ghamon ki dhup mein milte hain saeban ban kar
zamin pe rahte hain kuchh log aasman ban ka

Afzal Allahabadi

---

---

har naghma-e-pur-dard har ek saz se pahle
hangama bapa hota hai aaghaz se pahle

Afzal Allahabadi

---

---

ho nahin pati shairi 'afzal'
nazr jab tak lahu nahin karta

Afzal Allahabadi

---

---

KHudi ki daulat-e-uzma KHuda ne mujh ko baKHshi hai
qalandar hun main shahon ki gadai kar nahin sakta

Afzal Allahabadi

---

---

main chahta tha ki us ko gulab pesh karun
wo KHud gulab tha us ko gulab kya deta

Afzal Allahabadi

---

---

mein iztirab ke aalam mein raqs karta raha
kabhi ghubar ki surat kabhi dhuan ban ka

Afzal Allahabadi

---

---

teri nisbat mili mujhe jab se
main koi aarzu nahin karta

Afzal Allahabadi

---

---