aawazon ka bojh uThae sadiyon se
banjaron ki tarah guzara karta hun

Abrar Azmi

---

---

chehron ke maile jismon ke jangal the har jagah
un mein kahin bhi koi magar aadmi na tha

Abrar Azmi

---

---

kamre mein dhuan dard ki pahchan bana tha
kal raat koi phir mera mehman bana tha

Abrar Azmi

---

---

KHushnuma diwar-o-dar ke KHwab hi dekha kiye
jism sahra zehn viran aankh gili ho gai

Abrar Azmi

---

---

main ne kal toDa ek aaina to mahsus hua
is mein poshida koi chiz thi jauhar jaisi

Abrar Azmi

---

---

mujhe bhi fursat-e-nazzara-e-jamal na thi
aur us ko pas kisi aur ke bhi jaana tha

Abrar Azmi

---

---

parinde fazaon mein phir kho gae
dhuan hi dhuan aashiyanon mein tha

Abrar Azmi

---

---

shayad tumhaari yaad mere pas aa gai
ya hai mere hi dil ki sada sochna paDa

Abrar Azmi

---

---

tamam raat wo pahlu ko garm karta raha
kisi ki yaad ka nashsha sharab jaisa tha

Abrar Azmi

---

---