hamin jahan ke pichhe paDe rahen kab tak
hamare pichhe kabhi ye jahan bhi paDta

Abhishek Shukla

---

---

kabhi kabhi to ye wahshat bhi hum pe guzri hai
ki dil ke sath hi dekha hai Dubna shab ka

Abhishek Shukla

---

---

main choT kar to raha hun hawa ke mathe par
maza to jab tha ki koi nishan bhi paDta

Abhishek Shukla

---

---

main sochta hun bahut zindagi ke bare mein
ye zindagi bhi mujhe soch kar na rah jae

Abhishek Shukla

---

---

maqam-e-wasl to arz-o-sama ke bich mein hai
main is zamin se niklun tu aasman se nikal

Abhishek Shukla

---

---

safar ke baad bhi zauq-e-safar na rah jae
KHayal o KHwab mein ab ke bhi ghar na rah jae

Abhishek Shukla

---

---

shab bhar ek aawaz banai subh hui to chiKH paDe
roz ka ek mamul hai ab to KHwab-zada hum logon ka

Abhishek Shukla

---

---

teri aankhon ke liye itni saza kafi hai
aaj ki raat mujhe KHwab mein rota hua dekh

Abhishek Shukla

---

---

us se kahna ki dhuan dekhne laeq hoga
aag pahne hue main jaunga pani ki taraf

Abhishek Shukla

---

---