aawaz de raha hai akela KHuda mujhe
main us ko sun raha hun hawaon ke kan se

Abdur Rahim Nashtar

---

---

apni hi zat ke sahra mein sulagte hue log
apni parchhain se Takrae hayyulon se mile

Abdur Rahim Nashtar

---

---

dekh raha tha jate jate hasrat se
soch raha hoga main us ko rokunga

Abdur Rahim Nashtar

---

---

main bhi talab ka Thahra hua pani tha kabhi
ek patthar ne rawan dhaar kiya hai mujh ko

Abdur Rahim Nashtar

---

---

main teri chah mein jhuTa hawas mein sachcha hun
bura samajh le magar dusron se achchha hun

Abdur Rahim Nashtar

---

---

patthar ne pukara tha main aawaz ki dhun mein
maujon ki tarah chaaron taraf phail gaya hun

Abdur Rahim Nashtar

---

---

phaTe purane badan se kise KHarid sakun
saje hain kanch ke paikar baDi dukanon mein

Abdur Rahim Nashtar

---

---

us ne chalte chalte lafzon ka zahrab
mere jazbon ki pyali mein Dal diya

Abdur Rahim Nashtar

---

---

wo ajnabi teri banhon mein jo raha shab bhar
kise KHabar ki wo din bhar kahan raha hoga

Abdur Rahim Nashtar

---

---