us kisan ko dekho
zindagi ke patthar se jism TuTta hua
ganw mein
jis ke ghar udas hain
hasraton aur aansuon ke nam ke gham niwas hain
ja raha hai ustuKHwan sar dard
ek jale bujhe hoe zard zard gard gard raste par
us ka alam liye
jabr mein bhi sabr aur sipas ke qadam liye
waqt soya soya hai
KHwab jage jage hain
bail aage aage hain
kis qadar ajib chiz zindagi ke dhage hain
Nazm
Zindagi ke dhaare
Syed Zameer Jafri