اردو हिंदी
Ye zard bachche | Shaahi Shayari
ye zard bachche

Nazm

Ye zard bachche

Balraj Komal

;

gharon ki raunaq
ye zard bachche

paDhen likhenge jawan honge
maash ki fikr in ki qismat

talash-e-farda hayat in ki
ye rahguzaron pe apne mauhum KHwab le kar phira karenge

ye ghar banaenge shadyane bajaenge aane wale rangin dinon ki KHatir
ye chand luqmon ki zindagi ka maal samjhenge hasb-e-dastur

umr bhar un ko ungliyon par gina karenge
ye mera hissa

ye tera hissa
phir ek din

ye bhi zard bachchon ke bap honge
aur un ki KHatir dua karenge

daraaz ho in ki umr dekhen ye sau bahaaren