yaKH-zada ungliyan
tah-ba-tah barf ki chadaron se ubharti hui
barf is sal itni paDi hai
ki raste ke sab pech-o-KHam chhup gae hain
aur laDkiyan
dur pur-nur lambe darichon se jab barf mein yaKH-zada ungliyan
dekhti hain to ye puchhti hain
ki is barf se phul kaise khila
konplen kaise phuTin
zamin banjh thi kis tarah yak-ba-yak hamila ho gai
Nazm
YaKH-zada ungliyan
Mohammad Anvar Khalid