Yahan mazafat mein

yahan mazafat mein is waqt
Thik is waqt

jab zamini ghaDiyan subh ke saDhe-sat baja rahi hain
ek pahiya banaya ja raha hai

lakDi ke taKHton ko golai dena mamuli kaam nahin
apne wast se bahar phuTti hui raushni

aurat ke barahana jism ke baad ye pahla manzar hai
jis ne mujhe rok liya hai

aur main bhul gaya hun ki sayyare par koi mausam bhi hai
aur mera ek nam bhi hai

pahiyon ki ek joDi darwaze se lagi khaDi hai
gaDiban aaega aur use le jaega

gaDiban aaega aur ye phul le jaega