Is chhaaliya ke peD ke niche

is chhaaliya ke peD ke niche KHuda-gawah
mujh par nuzul rahmat-o-ijlal-e-haq hua

aur yun hua ki mujh pe zamin khol di gai
aur aasman sar pe musallat nahin raha

aur ye kaha gaya ki jo ghar loTiye to phir
hathon mein dhup le ke munDeron pe Daliye

miTTi ugaiye ki zamin shora-pusht hai
aur ye ki mish-o-ablaq-o-ushtar ke waste

do chhaaliya ke peD mazaron ke tin phul
aur ek aankh jis pe jahan-e-abas khule

waise to ghar tak aa gai saat zawal ki