Tahayyur ishq

ba-mushkil ek hairani ko
aankhon se nikala tha

ki phir ek aur hairani
ye basti kaisi basti hai jahan par

mera har ek KHwab
hairani ki ek chadar ko oDh

so raha hai
aur tahayyur ki qaba pahne hue hain

ashk sare
aur yahan tak ki hamare ishq ne bhi

hijr ke ek sang par jo lafz likkha hai
wo hairat hai

wahi ek lafz jo ab mere dil ke
aaine se barsar-e-paikar hai

aur kaun jaane
aaina baqi rahega

ya hamare ishq ki hairat