suna tha chand niklega
suna tha id aaegi
suna tha ek raunaq kucha-o-bazar mein hogi
suna tha tum bhi aaoge
suna hai chand nikla tha
suna hai raunaqen thin kucha-o-bazar mein har su
suna hai id ki KHushiyan manain shahr mein sab ne
ye sab kuchh to hua lekin
bas ek tum hi nahin aae
batao kyun nahin aae
batao did kab hogi
hamari id kab hogi
Nazm
Suna tha chand niklega
Maroof Ray barelvi